Русија ги објави тајните документи за убиствата во Катин

Русија објави тајни документи за масакрот во Катин во 1940 година, во кој околу 22.000 полски офицери беа убиени од советските сили. Државната архива соопшти дека „пакетот број 1“ досега беше достапнен за специјализирани истражувачи. Советскиот Сојуз со децении ја негираше улогата во масакрот. Односите меѓу Русија и Полска се затоплија откако полскиот претседател и други високи официјални лица загинаа во авинската несреќа за да присуствуваат на комеморацијата по повод масакрот во Катин.

На документите што ги обелодени државната архива им беше симната ознаката „строго доверливо“ во 1990-тите години, иако само специјализирани истражувачи имаа пристап до нив, се наведува во информациите. Тие беа објавени на Интернет по наредба на рускиот претседател Димитриј Медведев. Полска во неколку наврати бараше од Русија да ги отвори сите досиеја за Катин. Во почетокот на овој април, премиерите на Русија и на Полска првпат заеднички го одбележаа настанот.

Неколку дена подоцна, полскиот претседател Лех Качињски и повеќе од 90 други високи официјални лица загинаа кога нивниот авион се урна додека се обидуваше да слета во западниот дел на Русија за да присуствуваат на друг настан за одбележување на масакрот. Во април 1940 година, убиствата беа изведени од припадници на советската тајна полиција по наредба на советскиот диктатор Јосиф Сталин. Тие ги убија припадниците на полската елита, офицери, политичари и уметници, со истрел во тилот и ги фрлија нивните тела во масовна гробница. (Би-Би-Си)