Пол Пирс трет во селтикси со над 20.000 коша

Пол Пирс со 20.005 коша стана трет играч во историјата на Бостон Селтик кој ја мина магичната граница од 20.000 поени, сите постигнати во дрес на еден клуб. Во победата над Милвоки со 105:102 по продолженија тој учествуваше со 28. Сите 13 сезони во НБА лигата ги мина како кошаркар на селтикси исто како и Лери Бирд и Џон Хавличек, членови на Куќата на Славните со повеќе од 20.000 поени кои комплетните свои кариери ги минаа во Бостон. Со тоа Пирс им се придружи на своите сегашни колеги Шекил О’Нил, Кевин Гарнет и Реј Ален, стрелци на над 20.000 коша во НБА кариерите.

Резултати: Атланта - Детроит 94:85, Њу Џерси - Шарлот 83:85, Орландо - Минесота 128:86, Филаделфија - Индијана 101:75, Бостон - Милвоки 105:102 (по продолженија), Хјустон - Њу Орлеанс 99:107, Денвер - Далас 101:102, Јута - Торонто 125:108, Феникс - Сан Антонио 110:112, Голден Стејт - Мемфис 115:109, Лос Анџелес Клиперс - Оклахома 107:92, Сакраменто - Лос Анџелес Лејкерс 100:112.