КЕЛИ ПРЕСТОН И ЏОН ТРАВОЛТА

Славната двојка доби син Бенџамин

Брачниот пар Џон Траволта и Кели Престон во вторникот станаа горди родители на син кому му дадоа име Бенџамин. Во изјавата што веднаш по раѓањето на бебето им ја испратија на медиумите, семејството Траволта го изразува своето воодушевување за новиот член.

„Џон, Кели и ќерката Ела Блу се воодушевени поради новиот член на семејството. Мајката и бебето се чувствуваат одлично“, се наведува во изјавата.

Инаку, семејството на познатите актери преживеа голема трагедија пред две години, кога нивниот 16-годишен син Џеф почина за време на семејниот одмор на Бахамите, во се' уште неразјаснети околности.

Иако има 48 години, Кели Престон, сепак, одлучи да роди уште едно дете, бидејќи таа и нејзиниот сопруг многу страдаа по смртта на постариот син.