Елена за сефте во Софија

Младата поп-пејачка Елена Ристеска изминатиот викенд првпат гостуваше во Софија, каде што премиерно настапи пред бугарската публика. Според импресиите на нејзиниот менаџер од „М-2 продукција“, Иво Јанкоски, Елена поминала фантастично кај соседите, настапувајќи во познатиот „Котон клуб“. „Беше исполнето до последното место, а публиката во одлично расположение и во хор на глас заедно со Елена полни три часа ги пееше нејзините многубројни хитови и најубавите македонски народни песни кои Елена специјално ги подготви за овој настап“, изјави Јанкоски.

Патем, Елена дала и неколку интервјуа за тамошните електронски и печатени медиуми, кои ќе бидат, најверојатно, и најава за нејзини нови ангажмани во Бугарија.