ВИТНИ ХЈУСТОН

Ја издаде гласот на концертот во Лондон

Витни Хјустон, која ја занемари својата музичка кариера поради зависноста со кокаин, во неделата одржа свој повратнички концерт во Лондон. Витни се врати, но без својот глас. Во текот на настапот пред 20.000 будни посетители, пејачката не можеше да ги погоди високите тонови, кои некогаш со неверојатна леснотија ги пееше и сјаеше кога и да се појавеше на сцената. За лошата изведба ги обвини лошата климатизација во лондонската „О2 арена“, а многумина сведочат дека таа толку многу се потела од маки што им требало чадори на луѓето во првите редови.

Витни пред публиката го нарече својот глас „мојот пријател сопран“. „Сакам да отпеам, но мојот пријател сопран не сака да излезе. Дури станува и малку темпераментен“, со извинување се изјаснила пред публиката, која масовно почнала да го напушта концертот. Многумина на излезот на настанот коментирале дека целото збиднување било „тотално промашување“, а пејачката не била ниту сенка на себеси од пред 20 години.