Ромео Бекам

Син на мајка - дизајнер на 8 години

Осумгодишниот Ромео Бекам тргна по стапките на својата позната мајка Викторија, па се фрли на дизајнирање. Додека мајка му креира облека и торбички, Ромео, наводно, потпишал договор за дизајнирање колекција на очила за сонце. „Ромео ќе осмислува дизајн на очила за сонце за деца, а веќе некое време има голема желба да се занимава со дизајнерска работа“ - открил извор близок на семејството.

„Ромео има многу добро око и одлучен став за тоа што минува, а што не. Со месеци ги тормози Викторија и Дејвид да му дозволат да се занимава со тоа, а тие одлучија да го поддржат само ако докаже дека тоа му е навистина важно“ - додава изворот. Ромео ќе ги замоли своите славни пријатели 4-годишната Сури Круз, 6-годишната ќерка на Хајди Клум, Лени и децата на ТВ-готвачот Гордон Рамсеј да бидат модели што ќе му ја промовираат колекцијата. Секој примерок од колекцијата ќе го има логото РБ на едната страна од очилата. Колекцијата ќе се вика „Бамбино Бекам“, а родителите на Ромео, Викторија и Дејвид, по почетното негодување, се воодушевени зашто синот им влегува во бизнис.