Њујорк испушти победа во „Стејпл центар“
„Никси“, во финишот, го загубија дуелот со Л.А. Лејкерс со 116:114
Кошаркарите на Њујорк беа на прагот на изненадување во „Стејплс центар“ во дуелот против Л.А. Лејкерс. Никси ги надиграа „езерџиите“, но триумфот им избега во последните моменти во кои пресудна беше подобрата концентрација на домашните играчи кои на крајот славеа со 116:114.
Составот на Л.А. Лејкерс беше хендикепиран со отсуството на стандардниот По Гасол кој беше заменет со Ламар Одом (17 коша и 12 скока), Коби Брајант уфрли 28 поени и го спаси својот клуб од катастрофа. Со одличните партии во дресот на Њујорк продолжи младиот Нејт Робинсон постигнувајќи 33 коша, традиционално добар меч одигра и Дејвид Ли (18 коша и 13 скока).
Чикаго ја напушти Северна Каролина изненаден и разочаран по поразот од Шарлот, по продолженија, со 110:101. Добра вечер имаше Ди Џеј Августин кој беше стрелец на 29 коша, а на 19 секунди до крајот погоди тројка и го одведе мечот во продолженија. Кај бобкетси солидно одираа уште и Борис Диао (15 коша) и Емека Окафор (20 коша, 13 скока). Лидер кај „биковите“ беше Бен Гордон со 25 поени.
Оклахома од вечер во вечер покажува дека е најлошиот тим во НБА лигата. Тандерси забележаа нов пораз. Во мечот со Л.А. Клиперс загубија со 98:88. Зак Рандолф се' подобро изгледа во поставата на клиперси, а мечот со Оклахома го заврши со 22 коша и 13 скока. Ерик Гордон додаде 22 поена, Бајрон Дејвис оствари ефект од 19 коша и седум додавања, Маркус Кемби забележа дабл-дабл учинок (13 поени и 15 скока). Предводник на тандерси беше Кевин Дурант си 25 коша и 5 скока, Крис Вилкокс постигна 13 коша, Ерл Вотсон 12 асистенции.
Резултати: Шарлот - Чикаго 110:101 (по продолженија), Мемфис - Њу Орлеанс 84:91, Оклахома - Л.А. Клиперс 88:98, Хјустон - Денвер 108:96, Портланд - Сакраменто 109:77, Л.А. Лејкерс - Њујорк 116:114. |
