Македонија ја завршува годината на 56. место на ФИФА
Македонската фудбалска репрезентација ја завршува годинава како 56. на ранг листата на Меѓународната фудбалска федерација (ФИФА). Тоа е пад за седум места во однос на минатомесечното рангирање, но е за две позиции подобар пласман од декември 2007.
Инаку, ако оваа година како најдобри ја почнаа двата јужноамерикански гиганти Аргентина и Бразил, наредната година како водечки ќе ја отворат две европски екипи. Европскиот првак Шпанија и Германија. Шпанија има фантастична низа од 16 победи во 16 меча (една на пенали) и е репрезентацијата, која најмногу напредуваше годинава освојувајќи импресивни 314 бода.
Од земјите од бившите Ју простори најдобро пласирана и натаму е Хрватска, која е седма, потоа следи Србија на 30. позиција, Словенија е веднаш зад нас, БиХ е 61, а Црна Гора 112.
ТОП 10
1. Шпанија 1663 бода, 2. Германија 1381, 3. Холандија 1338, 4. Италија 1326, 5. Бразил 1246, 6. Аргентина 1180, 7. Хрватска 1142, 8. Англија 1115, 9. Русија 1103, Турција 1016
Лидер: Шпанија
Влез меѓу ТОП 10: Турција (плус од три места)
Надвор од првите 10: Чешка (11, минус два), Португалија (11 минус 1)
Најголем напредок според бодовите: Фиџи 133 бода
Најголем напредок според местата: Фиџи - плус од 31 позиција
Најголемо назадување според бодовите: Бугарија минус од 169
Најголемо назадување според местата: Нов Зеланд минус 26 места
Тим на годината: Шпанија
Најголем напредок во 2008: Шпанија (плус 314 бода) |
