Во Националната галерија „Даут-пашин амам“ завчера вечер се одржа традиционалната манифестација „Денови на европската култура“. Манифестацијата се реализира во организација на Еврејската заедница на Македонија и според вообичаената практика се' беше во рамките на годинашната тема „Традиција“.

Присутните, меѓу кои и бројни претставници на дипломатскиот кор во Република Македонија, на политичкиот и на културниот живот на земјава, како и членови на Еврејската заедница во Република Македонија можеа да слушнат изворна еврејска музика, во изведба на етно-составот „Баклава“, да ги вкусат еврејските специјалитети и да проследат богата културно-уметничка програма со мотиви од богатата историја и култура на еврејскиот народ.

„Денови на европската култура“ во организација на Еврејската заедница се одржува секаде во светот во првата седмица од септември. (Н.П.)