Автопортретот на Микеланџело е откриен на неговата последна фреска, „Распетието на Св. Петар“ во Ватиканската капела на „Св. Павлина“. Информацијата ја потврдил и Маурицион де Лука, раководител на тимот за реставрација на Ватикан, нагласувајќи дека откритието било „единствено и возбудливо“, бидејќи, најверојатно, станува збор за единствен постоен автопортрет.

Реставрацијата на фреските, во вредност од три милиони фунти, почна уште во 2004 година и, како што напредувале, реставраторите се прашувале кој би можел да биде ликот на коњот во левиот горен агол.

Споредувајќи го лицето со портретите на Микеланџело кои ги работеле други уметници, стручњаците утврдиле дека неминовно станува збор за автопортрет. По консултациите со експерти од целиот свет, заклучено е дека ликот на коњаникот со син турбан, насликан на фреската во периодот меѓу 1545 и 1550 година, дефинитивно, е автопортрет на Микеланџело. (Н.П.)