Рецитал на триото „Интерарт“ во Осло
Македонското трио „Интерарт“ вечерва ќе одржи рецитал во Осло, Норвешка, во концертната сала на „Oslo Musikklaererforening OMLF“. Триото во кое членуваат Емилија Ристевска-Стефановска и Александар Стефановски - флејти и Татјана Божиновска - пијано, пред норвешката публика ќе изведе дела за две флејти и пијано, а како нивен почесен гостин ќе настапи познатиот норвешки пијанист Јоаким Кноф. Во текот на утрешниот ден, пак, членовите на „Интерарт“ во салата на „Music teachers association“ во улога на предавачи ќе го водат семинарот по флејта, пијано и камерна музика.
Гостувањето „Интерарт“ во Норвешка е помогнато од Министерство за култура на Македонија. |
