12.02.2012, 10:50 Седуммина загинати при одрон на лавина во Косово
Седум лица загинаа, а најмалку три други се водат како исчезнати, кога лавина се одрони синоќа врз 15-тина куќи во селото Рестелица во јужниот дел на Косово
Како што соопштија локалните власти, од под одронот од снег досега се извлечени телата на седум лица.
Спасувачките екипи доцна синоќа од под снегот извлекле девојче на возраст меѓу пет и седум години, кои е веднаш пренесено во болница со симптоми на хипертермија.
Претставник на локланите власти соопшти дека според добиените информации од жителите на селото, луѓе имало само во две од куќите врз кои се одронила лавината.
Со овие загинати, бројот на жртвите на снежното невреме на Балканот се искачи на 47, а ширум цела Европа на речиси 600.
|
