Светските музички ѕвезди на сајт против сидата
Повеќе музички ѕвезди, меѓу кои и Боно Вокс, Џон Леџенд и Џеј Зи, лансираа музичка Интернет-страница www.redwire.com чија цел е собирање средства за борба против сидата во Африка.
Страницата е лансирана по повод Светскиот ден на борбата против сидата што се одбележа завчера. Со претплата од пет долари месечно, на страницата еднаш неделно ќе се нудат нови песни. Половина од парите од претплатата ќе се донираат во Светскиот фонд за борба против сидата.
На новиот сајт се најдоа Елтон Џон, Елвис Костело, Шерил Кроу, групите „Полис“, „Килерс“ и многу други ѕвезди кои на своите претплатници еднаш неделно ќе им овозможуваат да преземат ексклузивни песни. (МИА) |
