Кондолиза Рајс свирела клавир за кралицата Елизабета
Американската државна секретарка во заминување, Кондолиза Рајс, вчера свирела на клавир за британската кралица Елизабета во Бакингемската палата како проштален гест пред идниот месец да и' заврши мандатот во администрацијата на Џорџ Буш.
Портпаролот на Рајс, Шон Мекормак, изјави дека таа го свирела Брамс, а на виолина свирела Луис Милибанд, сопругата на британскиот секретар за надворешни работи, Дејвид Милибанд, заедно со уште тројца членови на лондонскиот Симфониски оркестар. (МИА) |
