Ноќ со Џемс Браун, фанки и соул
За сите љубители на музиката на легендата Џемс Браун, како и на најдобрите соул и фанки-хитови на сите времиња, на 6 декември во „Метрополис арена“ на Скопски саем ќе се одржи спектакуларна забава со наслов „I feel good”. На забавата ќе може да присуствуваат сите што ги почитуваат ликот и делото на славниот Афроамериканец, како и педесетте години од неговото творење и придонес во музиката.
Станува збор за несекојдневен настан за чија атмосфера ќе се погрижат најпознатите македонски диџеи.
Влезниците се во продажба по цена од 150 денари, а ќе може да се купат во „Југотон“, „Розе Веро 2, кафе „Студио ин“, „Ретрокафе“, кафе „Тренд“, „Плеј кафе“ и „Кубан кафе“, а забавата е во организација на „Кворум продукција“. |
