Финале

Мис на Македонија за мис глоуб 2011

По 45-дневна турнеја низ Македонија, вечерва (сабота, 13 август) во хотелот „Силекс “ во Охрид ќе се одржи големото финале - мис на Македонија за мис глоуб 2011. Шоуто ќе започне во 21,30 часот, на кое ќе се избере најубавата Македонска, што ќе ја претставува земјава на Изборот за мис глоуб 2011.

За титулата најубава Македонка ќе се натпреваруваат 16 девојки: Јована Нешова од Скопје, Драгана Столеска од Кичево, Андреја Нединковска од Охрид, Елена Ангелковска од Скопје, Ангела Трпеска од Тетово, Мелита Маркоска од Прилеп, Емилија Лазаревска од Скопје, Марија Хаџи Андонова од Струмица, Ангелина Јовановска од Скопје, Ангелина Силева од Велес, Ана Тасева од Богданци, Тања Планцак од Скопје, Емилија Ангеловска од Македонска Каменица, Милена Сабо од Тетово, Сандра Милошевска од Скопје и Билјана Милевска од Охрид.

Покрај победничката, и придружничките ќе добијат право на учество на интернационални избори за убавина или модели, за кои модното студио „Црнокрак“ поседува лиценци.

Жири-комисијата што ќе одлучува за победничките ќе биде составена од 20 члена: познати лица од естрадата, претставници од спонзорите, лекари, професори, поранешни убавици и претставници од медиумите.

Водители на манифестацијата ќе бидат Светлана Црнокрак и Александар Блажевски, а во музичкиот дел ќе настапат естрадни уметници од Македонија.