Банката не ја плаќа казната, ќе оди на суд
Банката кај која Управата за спречување перење пари нашла неправилности и побарала да ја плати казната од 100.000 евра се' до завчера, кога беше крајниот рок, не ја платила казната, поради што ќе мора да оди на суд.
Управата за спречување перење пари ќе поднесе барање за поведување прекршочни постапки против оваа банка, кај која се констатирани над 30 неправилности. Раководителот на Одделението за инспекциски надзор при Управата, Мартин Корубин, вчера изјави дека барањето е поведено, бидејќи е поминат рокот за порамнување предложен од Управата. Неправилностите кај банката, чие име не го објави, се констатирани при редовна контрола од Управата. Корубин вели дека Управата има докази и факти кои заедно со пријавата ќе ги достави до надлежниот суд. (Ек.Р.) |
