Влатко Илиевски препеа песна од Џамбазов

Темата „Есен“ е сместена на новиот албум „Најбогат на свет“ што ќе биде промовиран наредната недела

„Есен“ е новата тема на поп-пејачот Влатко Илиевски, зад која како автор се потпишува шоуменот и актер Игор Џамбазов, кој ја напиша песната во далечната 1992 година и ја објави на својот прв албум. Истовремено, новиот сингл кој е со нов аранжман, направен од Дарко Тасев, е и најава за албумот на Илиевски „Најбогат на свет“, што ќе биде промовиран пред неговиот голем концерт, закажан за 5 јуни во салата „Борис Трајковски“ во Скопје. Од „План Б-продукција“, кои стојат зад менаџментот на поп-пејачот, изјавуваат дека препејувањето на песната за Влатко претставувало голема чест и дека тој ја смета за една од наубавите и највеселите македонски песни.

Од денеска „Есен“ е веќе пуштена во радиоетерот, а во наредните денови ќе се снима и видеоспот за неа, што ќе биде промовиран наредната недела заедно со новиот албум на Влатко Илиевски.