Русија им даде медал на борците од Македонија

Медалот „65-годишнина од победата во Големата татковинска војна“ Русија вчера му го врачи на Сојузот на здруженијата на борците од НОБ на Македонија. Тој им е доделен за да се зачува споменот за борбата над фашизмот, поддржувањето на ветераните и воспитувањето на младите во духот на историската вистина. Рускиот амбасадор, Олег Шчербак, во име на организацискиот одбор „Победа“, на чие чело е рускиот претседател Дмитриј Медведев, рече дека „победата над фашизмот е наша заедничка победа, за која народите на нашите земји платиле висока цена“. „Наш заеднички долг е да го чуваме споменот за хероите и жртвите на оваа најголема и најсурова војна во историјата на човештвото за да не ги заборавиме нејзините поуки и античовечката идеологија на фашизмот никаде и никогаш повеќе да не се појави“, рече Шчербак.

Во име на Сојузот на борците медалот го прими делегација на чело со генералот Тодор Атанасовски, кој заблагодарувајќи се за признанието рече дека по 65 години од победата над фашизмот, денес фашизмот ��о кој било облик не смее да помине и оти нема нешто поскапоцено од мирот. (Т.Г.)