Синдикатите се здружија

Подобрување на социјалниот дијалог, соработка за стратегиските синдикални цели, борба против сите видови притисоци, заеднички настап пред Владата и Здружението на работодавци, како и воздржување од непринципиелно преземање на синдикалното членство.

Тоа се дел од содржините на меморандумот за соработка што вчера го потпишаа Сојузот на синдикати на Македонија, Конфедерацијата на слободни синдикати и Унијата на независни и автономни синдикати на Македонија. Со овој документ, синдикатите се обврзуваат на заеднички настап и колективно преговарање и потпишување колективни договори на сите нивоа, заедничко дејствување во соработката со меѓународните институции и активно учество во имплементацијата на европските директиви во македонското законодавство. (МИА)