Арифи: Очекувам партнерство од Грција за евроинтеграцијата

08.08.2011, 13:33

Вицепремиерот задолжен за евроинегративниот процес на Македонија, Теута Арифи, во интервјуто за Дојче Веле изјави дека од Грција се очекува поддршка за процесот на евроатлантската интеграција на државата.

- Ние сме соседна земја со Грција и очекувам токму од неа, од нашите колеги таму, поддршка за процесот на евроатлантската интеграција на Македонија. Нејзината интеграција во ЕУ е, исто така, од интерес за грчката страна. Очекувам вистинско партне��ство и поддршка во овој процес. За ова официјално ќе се обратам до грчкиот премиер и министер за надворешни работи и ќе ја барам таа поддршка за Република Македонија и нејзината евроинтеграција, изјави Теута Арифи за Дојче Веле.

Арифи додава дека евроинеграцијата и деблокирање на патот кон ЕУ е највисок приоритет на Владата, секако не занемарувајки ги и еконосмкиот раст и сите останати приоритети. Таа нагласува дека оваа година ќе добиеме коректен и добар извештај од Европската Унија за напредокот на државата.

- Мислам дека и на Албанците и на Македонците во земјата им е потребно членството во НАТО и деблокиран процес за преговори со Европската Унија. Овој процес е гарант за стабилноста, за развојот и за одењето напред. Токму поради тоа мислам дека тој процес е клучен и многу значаен, истакува Арифи.

Теута Арифи за Дојче Веле изјави дека е оптимист во врска со решавањето на спорот за името.

- Компромиси има за секој спор, па мора да има компромис и за овој спор. Решение има за секој спор, па мора да има и за овој спор. Ние само треба да покажеме подготвеност и зрелост дека навистина сакаме бргу да го решиме тој проблем, затоа што времето докажува оти треба да бидеме побрзи. Со новиот владин состав можеме да покажеме поголема подготвеност, нагласи Арифи.