Со пиштол сакал да наплати сметка од 500 евра
Сопственик на кафеана во Тетово доби кривична пријава за разбојништво и изнуда откако на гостин му барал да плати сметка од 500 евра. Според МВР, К.З. (41) на 3 јули барал од С.С. (24) од селото Стримница да плати дебела сметка за јадењето и пиењето во кафеана „Вјолца“. Гостинот одбил да даде толку пари , по што К.З., заканувајќи му се со пиштол, му зел 3.500 денари и 250 евра. Следниот ден му испратил и СМС-порака, барајќи ги другите пари од долгот. (Ј.К.)
|
