Двајца мажи сексуално се изживувале врз 14-годишно девојче
Двајца светиниколци ќе одговараат за полов напад врз дете, бидејќи во изминативе три месеци сексуално се изживувале врз 14-годишно девојче додека нејзината мајка била на работа. Според МВР, М.А. (32) во изминативе три месеци ги оставала трите малолетни ќерки со двајцата мажи. Додека таа била отсутна, Трајче Ефремов (62) и Раде Петрески (40) се изживувале врз 14-годишното девојче. Пред извесно време Петрески ги однел трите девојчиња во селото Мустафово, но откако ги оставил двете помали, го однел 14-годишното во селото Џрнилиште. Таму, Петрески со часови до доцна во ноќта го принудувал девојчето на секс со него. Случајот го открила 11-годишната сестра, која случајно влегла во собата додека Петрески блудничел врз девојчето. МВР поднесе кривични пријави и против мајката за подведување и овозможување полови дејства“, како и за запуштање и малтретирање малолетно лице. (Ј.К.)
|
