Реакциите на ортопедите се професионални, а не лични

Клиниката за ортопед��ја ја сметаме за свој втор дом и тоа е единствениот личен интерес. Со ваков контраодговор вчера излегоа ортопедите по нападот од министерот дека место лични интереси, ортопедите да гледаат повеќе да работат и да се ангажираат во изнаоѓање конструктивни решенија за новата клиника. Ортопедите не отстапуваат од својот став дека за да ја задржат клиниката мора да имаат потсметка и дека тоа им го ветил и министерот. Според ортопедите, не треба да се заборави дека иако клиниката е формирана од Владата, во називот ја има и додавката универзитетска, што значи е дел од Универзитетот „Св. Кирил и Методиј“ и Медицинскиот факултет, кои според законот имаат ингеренции за менување на називот.

Ортопедите се оградуваат од сите политички и партиски изјави, зашто нивното дејствување е строго професионално и поитно ја чекаат средбата со премиерот.

На тема спојување на четирите клиники вчера се препукуваа и власта и опозицијата. СДСМ тврди дека спојувањето на четири хируршки клиники е спротивно на националниот Акционен план на Министерството за здравство и со него се потврдува оти уништувањето на Универзитетскиот клинички центар е погрешен потег на Владата. Министерството за здравство ги отфрли обвинувањата и за него соединувањето на четирите клиники во Национален ургентен центар е чекор напред во исполнување на целите предвидени со Стратегијата и акцискиот план за ургентна медицина. (Ј.Ј.)