Братучед на Путин менаџер во банка

Прв братучед на рускиот премиер Владимир Путин, Игор Путин, е именуван за вицепретседател на Мастер банка, јавија локалните медиуми. Раководството на банката смета дека Игор Путин ќе успее да ја воведе Мастер банка меѓу водечките 50 руски банки по обем и актива.

„Апсолутно сме уверени дека доаѓањето на еден таков стручњак каков што е Игор Путин значително ќе го зајакне нашиот менаџерски тим и ќе овозможи квалитетно и брзо темпо на реализација на нашите планови“, се вели во соопштението на банката.

Весникот „Комесаријант“ пишува дека раководството на Мастер банка одбило да даде одговор врз кој критериуми е примен роднината на премиерот на толку висока позиција.

Неофицијално, меѓу банкарскиот сектор во Русија се зборува дека никој досега немал можност да го запознае Игор Путин и се претпоставува дека неговата работа ќе биде од формален карактер. (Ек.Р.)