Од „Голдман Сакс“ се бара 835 млн. долари

Осло - Централната банка на Норвешка пред суд во Њујорк поднесе тужба против американската банка „Голдман Сакс“, со барање за исплата на отштета во износ од 835 милиони долари.

Во образложението на тужбата, норвешката Централна банка тврди дека „Голдман Сакс“ не и' доставила „целосни информации за финансиските ризици, пред се', за вредноста на акциите и за хипотеките“, пред во неа да инвестира средства од Државниот нафтен фонд на Норвешка.

„Голдман Сакс“ беше првата банка што се најде на удар на кризата со хипотекарните кредити во САД во есента 2007 година, која беше вовед во глобалната финансиска криза следната година.

Поради крахот на акциите на „Голдман Сакс“, многу инвеститори претрпеа огромни загуби. Меѓу нив беше и норвешкиот Државен нафтен фонд, со кој стопанисува Централната банка на Норвешка. (МИА)