Талибанци нападнаа американски хуманитарци

КАБУЛ - Талибански напаѓачи-самоубијци и вооружени лица вчера нападнаа канцеларија на американска компанија во северен Авганистан, при што загинаа пет лица, од кои тројца странци и повредија 24 други лица, јави висок претставник.

Нападот во раните утрински часови се случи во релативно мирната провинција Кундус, кога напаѓачите упаднаа во новоотворените канцеларии на компанијата „Девелопмент алтернативс инк.“, јави гувернерот на провинцијата Мохамед Омар. Еден британски државјанин загина за време на жестоките петчасовни борби, заедно со еден германски државјанин и еден Филипинец, а загинаа и двајца Авганистанци, јави Омар. „Нашите безбедносни сили успеаја да спасат околу осум американски работници во канцеларијата“, рече тој. (Ројтерс)