Се очекува откуп на околу 25 милиони килограми тутун од годинашнава реколта. Министерството за земјоделство упати апел до тутунопроизводителите да не ги мешаат сортите тутун за да не се создаваат проблеми при откупот. „Како што се договоривме пред неколку дена со тутунопроизводителите и претставниците на тутунските здруженија, откупните листи ќе бидат предадени денеска, 15 ноември, а сите заеднички ќе вложиме максимални напори годинашниот откуп да биде регуларен и добро организиран“, изјави министерот Љупчо Димовски. Струмичките тутунари собираат потписи против резолуцијата на Канада за исфрлање на адитивите од бленд-цигарите. Околу 600 тутунопроизводители од Струмичко се спротивставија на иницијативата ориенталниот тутун да се забрани во производството на цигарите. Предупредуваат дека со евентуалната забрана, илјадници семејства што егзистираат од тутунот ќе останат во сиромаштија. Од здружението на тутунопроизводители „Јака“ остро демантираат дека ориенталниот тутун има штетни својства. Но, освен иднината на тутунот, ги загрижува и висината на цената годинава според која ќе се продава. (Ек.Р.)
Tutunot sodrzi preku 16 stetni i kancerogeni materii, od koj najpoznat e nikotinot. Karakteristika na orientalnite tutuni ,koi se koristat kako aditivi vo blend cigarite ,e sto istite materii se vo mnogu povisok procent zastapeni vo niv. Poradi tie pricini e i baranjeto na Kanada za zabrana na upotreba na tie tutuni kako aditivi vo blend cigarite. Toa navistina moze da ja zagrozi idninata na mnogu semejstva vo Makedonija, no prasanje e na vrem e koga tie tutuni potpolno ce bidat isfrleni od upotreba , poradiu dokazanata stetnost.
