Супертајфун удри на Филипини

Силен супертајфун пристигна до копното во северниот дел на Филипините, погодувајќи ја областа со обилни дождови и ветришта кои достигнаа брзина над 225 километри на час. Илјадници лица на патот на бурата „Меги“ ги напуштија своите домови. Службите за вонредни ситуации се во состојба на зголемена подготвеност, а училиштата се затворени во голем број области.

„Меги“ е најсилното невреме со кое Филипините се соочуваат во последниве четири години. Во 2006 година невреме со ветришта со јачина од 155 километри на час предизвикаа лизгање на земјиштето, затрупувајќи села и убивајќи околу 1.000 лица.

Тропските циклони што се формираат во Пацифичкиот Океан се нарекуваат тајфуни, но се класифицираат на скала од еден до пет на ист начин како и ураганите што се формираат во Атлантскиот Океан. Тајфуните од петта категорија, кои со себе носат ветришта со јачина од најмалку 250 километри на час, вообичаено се нарекуваат супертајфуни. Метеоролозите велат дека „Меги“ беше супертајфун кога дојде до копното, но голема е веројатноста дека малку ќе стивне додека минува низ северниот дел од Филипините. (Би-Би-Си)