ЛИЛИ АЛЕН

Бесна поради написите за с��адбата

Ни малку нежно, преку својот профил на „Твитер“, пејачката Лили Ален одлучила да се пресмета со новинарите што ја објавиле лажната вест за тоа дека таа и нејзиното момче Сем Купер планираат новогодишна венчавка за полесно да ја пребродат неодамнешната загуба на детето. Во фокусот на „стрелбата“ се нашла новинарката на британскиот „Дејли мејл“, Кејти Никол, на која бесната Лили и' порачала: „П...о, изостави ме од своите посрани колумни. Не знаеш ништо за интимните детали од мојот приватен живот. Постои време и место за вашите измислици за мене, а тоа сигурно не е сега“.

Пред неколку дена британските медиуми известија дека Лили и Сем се свршиле и планираат свадба, наводно, да се обидат да ги оттргнат мрачните мисли. Имено, пејачката неодамна, во шестиот месец од бременоста, го изгуби детето. Двојката требаше да добие син.