Не се знае чие е оружјето во зградата во Чаир
Две автоматски пушки, три рачни бомби, придушувач за пиштол, три рамки со по триесет куршуми, две фантомки и хируршки ракавици се пронајдени во подрумски простории на зграда на улицата „Џон Кенеди“ во скопски Чаир. Полициските „алфи“ вршеле претрес во зградите во Чаир, го отвориле заедничкиот простор на станарите од деветтата зграда и го пронашле оружјето. Кој е сопственикот се' уште се истражува. Станарите тврдат дека не знаеле дека во зградата има оружје, а велат дека тие простории биле најмени. Полицијата се сомнева дека оружјето било користено во некои од оружените разбојништва што се случија во последно време. (Г.А.) |
