Новиот кеј ја смири реката Луда Мара

Кавадарци - Кавадарци вчера и официјално го доби во употреба реконструираниот кеј во должина од околу 2 километра. Проект, со кој покрај средување, се изврши и регулација на речното корито на реката Луда Мара. Изградбата на новото градско шеталиште беше помогната од ЕУ со 270 илјади евра, а во финансирањето општината учествуваше со 2,5 милиони денари. Објектот го пуштија во функција амбасадорот на ЕУ во Македонија, Ерван Фуере, министерот за животна средина и просторно планирање, Неџати Јакупи, и градоначалникот на Кавадарци, Александар Панов. „Хидроинжинерите велат дека изградбата на кејот е еден од начините за смирување на реката, па така, покрај естетика, имаме и функција“, рече градоначалникот Панов.

Градежните работи ги изврши гостиварската фирма „Имако“, а во изградбата и поставувањето на урбаната опрема учествуваа и локални фирми. (А.Д.)