„Времето на ирвасите“ од Митко Маџунков објавен во Бугарија

Едно од најпознатите романсиерски дела на академикот Митко Маџунков „Времето на ирвасите“ се појави во превод на бугарски јазик како копродукциско издание на реномираниот софиски издавач „Бугарски писател“, кој е во рамките на Сојузот на бугарските писатели, и на скопски „Макавеј“.

Романот „Времето на ирвасите“ од македонски јазик на бугарски го преведе бугарскиот писател и преведувач Николај Шопов, кој во изминатите години преведе дела на уште десетина македонски творци.

„Појавата на ова дело на Маџунков во соседна Бугарија претставува уште еден успешен чекор во афирмацијата на македонската литература на бугарскиот книжевен пазар и уште еден голем чин на меѓусебно уважување на двете книжевности, по годинашното доделување на ’Златниот венец‘ на ’Струшките вечери на поезијата‘ на големиот бугарски поет Љубомир Левчев“, изјавуваат од копродуцентската куќа „Макавеј“ од Скопје. (Н.П.)