„Скопје радос ти ќе бидеш“, изложба на Богдановски

„Скопје радос ти ќе бидеш“ е наслов на изложбата на ликовниот уметник Матеј Богдановски, која вечерва во 20 часот ќе биде отворена во клубот „Граѓани за европска Македонија“ - ГЕМ, во кафулето „Менада“ во Старата скопска чаршија. Ќе бидат проектирани 30 дигитални колажи, преку кои авторот ќе го коментира секојдневјето на главниот град, поврзано со проектот „Скопје 2014“. Воедно, ќе биде промовиран и неговиот стрип „КШШЦ“, чиј автор на сценарио е архитектката Билјана Стефановска. Ќе настапи и хорот „Распеани скопјани“, а најавен е и диџејски сет на Соња Исмаил. (К.Б.)