Седумдесет нови наслови во „Матица“

Во периодот од 10 ноември до 20 јануари клубот „Матица“ почна со нова акција за популаризација на книгата меѓу своите членови и читатели. Кампањата е со наслов „Еден наслов - еден ден“, што значи во седумдесет дена до почетокот на

традиционалниот Саем на книгата, „Книга во секој дом“, што традиционално почнува на 20 јануари, на читателската публика секојдневно ќе и' биде понуден по еден наслов од новата продукција.

Според организаторите, „книгите од македонски, српски, хрватски, словенечки, германски, француски, грчки, италијански, шпански, британски, американски и руски автори ќе го збогатуваат секојдневјето во клубот „Матица“. Ќе бидат организирани секојдневни промоции, литературни читања и прв пат на македонскиот книжевен пазар ќе профункционира читателскиот клуб на „Матица“, каде што преку дебати и разговори ќе се усовршува издавачката продукција во Македонија.

Финалето на акцијата „Еден наслов - еден ден“ се поклопува со почетокот на саемот „Книга во секој дом“, за кој, како што потенцираат од клубот „Матица“, подготвиле специјални изненадувања и огромна понуда на литература од цел свет за целата читателска публика во Република Македонија. (Н.П.)