Стил
„Еј-Би-Си“ - дваесет години инвестиција во генерациите
Покрај редовните ангажмани, „Еј-Би-Си“ постојано приредува и забави и прослави по повод големите празници
Ивона Саздовска
Модерното живеење и обидите да се приклучиме кон европското семејство интензивно ја наложуваат потребата за совладување на англискиот јазик и за подобрување на меѓународната комуникација.
Институцијата за изучување на англискиот јазик „Еј-Би-Си“ годинава слави 20 години од своето постоење, што преставува интересен податок земајќи предвид дека понудата на пазарот е се' поголема.
„Со влегувањето на земјата во транзиција се јави потребата за обезбедување егзистенција врз принципот на самовработување. По дипломирањето и враќањето од Лондон, во рамките на семејството одлучивме да го отвориме првото приватно студио во кое се изучуваше англискиот јазик. Несебичната поддршка и поттик беа доволен показател дека успеавме да направиме навистина нешто добро“, вели Елизабета Младеновска, раководител и сопственик на „Еј-Би-Си “.
Од своите почетоци, па се' до денес, низ нивните групи поминале безброј генерации, меѓутоа грижата за нив отсекогаш значела квалитетно и современо опремени простории, компјутерски видеонадзор, врвна и современа технологија (аудио, видео, ДВД, прожектори), а од 1995 година првпат во наставата е воведена и мултимедијалната технологија што им овозможува на учениците интерактивно да учествуваат во наставата.
Покрај редовните ангажмани, „Еј-Би-Си“ постојано приредува и забави и прослави по повод големите празници, како што се Велигден и Божик, при што секој јубилеј е одбележан со посебна пригода.
„Традицијата вели дека прославувањето е период кога луѓето и децата најмногу се радуваат. Годинава, бидејќи имаме навистина значаен јубилеј, ќе организираме пригодна свеченост на 24 и 25 декември во просториите на училиштето, а за сите читатели на ’Утрински весник‘ ќе приредиме и едно мало изненадување“, најавува Елизабета Младеновска, раководителка и сопственичка на „Еј-Би-Си“.
Како новитет во рамките на „Еј-Би-Си“ од 2002 година егзистира и спортско-рекреативниот центар што се наоѓа во Катланово, кој е наменет, пред се', за слушателите кои ги посетуваат курсевите, а потоа и за редовните гости кои го посетуваат центарот.
|
