Еди Марфи подобра опција за „Бетмен“ од Џони Деп
Најверојатно, работниот наслов на филмот ќе биде „Готам
Низ Холивуд деновиве се шушка дека режисерот на култниот „Бетмен“ Кристофер Нолан одлучил во новата сага за енигмата на човекот-лилјак да го најми Еди Марфи, а во улогата на жената-мачка наместо Анџелина Џоли, ќе заигра Рејчел Вајс.
Иако до неодамна обожавателите на „Бетмен“ се надевале дека во новото продолжение ќе ги гледаат Анџелина Џоли и Џони Деп, се чини дека планот е целосно пропаднат. Како подобра опција се споменуваат Еди Марфи и Рејчел Вајс.
Според најновите информации, под капата на режисерот Нолан ќе заигра и ѕвездата на филмот „Трансформери“ Шија Лабоф, и тоа во улогата на Робин.
Но, иако имаше најави дека Марфи повеќе нема да глуми во филм, по се' изгледа актерот е подготвен да ја смени одлуката и да се појави во улогата на човекот-лилјак. Најверојатно, работниот наслов на филмот ќе биде „Готам“, а во светските киносали неговата премиера ќе се очекува во 2010 година. |
