Оргулите пристигнуваат во ноември во Скопје
Граѓанската организација „Оргули за Скопје и Македонија“ ја привршува својата акција за набавка на оргули. Имено, како што не' информираше секретарот на организацијата, Петар С. Јаки „со низа активности, настани и манифестации се заокружува фондот за собирање средства за набавка на оргулите“.
Оргулите се изработуваат во Мариборската бискупска работилница која соработува со германска работилница и во ноември ќе бидат донесени во Катедралата „Пресвето срце Исусово“ во Скопје каде ќе бидат користени како за духовна така и за изведба на световна музика. (Н.П.) | 
