Орбан дочекан во Брисел со инцидент

Стразбур - Обраќањето на унгарскиот премиер Виктор Орбан пред европратениците започна со мал инцидент во салата на Европскиот парламент, каде што дел од европратениците, најголемиот број од групата на Зелените, изразија незадоволство против унгарскиот Закон за медиуми. Европратениците покажуваа весници со бели страници од нивните седишта на кои со црвена боја беше испишано „цензурирано“ или, пак, имаа залепени усти.

Овој инцидент не го спречи премиерот Орбан да ги образложи официјално приоритетите на унгарското претседателство.

Во однос на контроверзниот Закон за медиуми, унгарската влада може да смета на поддршката на групата на Народните партии (најголемата во Европскиот парламент), која нагласува дека унгарската влада се обврзала да направи промени на законот ако експертизата на ЕК покаже дека тој не е во согласност со европското законодавство. (МИА)