Пуштени обврзници од 1,5 милијарди евра

Атина - Грција вчера пушти во оптек нова емисија на 13-неделни државни обврзници, во вкупна вредност од 1,5 милијарди евра. Оваа емисија следува една недела по пуштањето во оптек на 26-неделните државни обврзници, од кои Грција успеа да заработи 2,06 милијарди евра.

Грчката Агенција за управување со државниот долг соопшти дека една понуда може да се однесува за најмногу 30 проценти од вкупната вредност на обврзниците.

Во текот на мај Грција се најде на работ од банкрот, при што успеа да се извлече од колапс благодарение на пакетот помош во форма на кредити во вредност од 110 милијарди евра доделени од ММФ и од ЕУ. (МИА)