Кина најголем потрошувач на енергенси, Пекинг демантира

Париз - Кина минатата година стана најголем светски потрошувач на енергенси, со што прв пат во историјата од првата позиција ги потисна САД, кои подолго од еден век беа главен енергетски потрошувач во глобални рамки. Ова го покажуваат најновите податоци од меѓународната агенција за енергетика.

Според процените на ИЕА, чии податоци, генерално, се сметаат за најмеродавни индикатори во енергетскиот сектор, Кина минатата година потрошила 2,252 милијарди тони еквиваленти на нафта, што е за четири отсто повеќе во однос на САД, каде што се потрошени 2,170 милијарди тони еквивалентни на нафта. Но, кинеската влада ги отфрли како неточни тврдењата изнесени во извештајот на Меѓународната агенција за енергетика (ИЕА) дека минатата година Кина станала најголем светски потрошувач на енергенси, надминувајќи ги САД. (МИА)