„Форд“, Крајслер“ и ЏМ со клуч за 59 фабрики
Вашингтон - Американските гигантски автокомпании „Џенерал моторс“, „Форд“ и „Крајслер“ најавија дека ќе затворат 59 фабрики во јануари најмалку на еден месец во рамките на борбата за преживување во очекување дека ќе добијат итна помош од американската влада. „Крајслер“ соопшти дека фабриките ќе ги затвори најмалку на еден месец, вршејќи нов притисок врз администрацијата на Џорџ Буш колку што може побрзо да им помогне на автокомпаниите на кои им недостасуваат пари за тековното работење. ЏМ соопшти дека ќе го намали производството во првото тримесечје идната година за 60 проценти во однос на истиот период минатата година. Без 14 милијарди долари федерални заеми, ЏМ и „Крајслер“ ќе останат без пари веќе во почетокот на 2009 година, а претседателот Буш изјави дека одлуката за помош би требало да се донесе „релативно брзо“. (МИА) |
