Специјалната болница „Филип Втори“, покрај ургентни случаи, од вчера за операции на срце прима и редовни пациенти. Болницата попушти и го потпиша договорот со Фондот за здравствено осигурување со што прифати да работи по пониски цени од сегашните за кардиохируршки операции. Со новиот договор, на болницата и' се одобрени дополнителни околу еден милион евра за до крај на годинава. Договорот е потпишан во интерес на пациентите, велат во „Филип Втори“, иако сметаат дека поле за договарање има за посложените операции. Со продолжување на соработката со „Филип Втори“, како и договорот со „Систина“, повеќе ќе нема листи на чекање за болните. (Ј.Ј.)
