Контроверзните сопружници Чарли Шин и Брук Мјулер се само на чекор до развод. Откако на крајот од минатата година Чарли ја нападна својата сопруга, ставајќи и' нож под вратот, поради што може да добие затворска казна од три години на судењето во јули, Брук не поднесе барање за развод. Но, се чини дека сега ќе го стори тоа, бидејќи како што многумина изјавија, дознала за наводната љубовна афера на Шин.
Според гласиштата, Чарли ја изневерувал сопругата со манекенката за долна облека, Анџелина Трејси, а кога заминувал на тајните љубовни состаноци, тој се маскирал лепејќи лажни мустаќи на лицето. Дознавајќи за неверството, еден извор вели дека Брук одлучила да се разведе од насилниот сопруг, кој, исто како и неа, има проблеми со зависноста од дрога.
„Сега Брук навистина размислува за развод. Се' може да очекува од Чарли и ниту едно негово непристојно дело веќе не може да ја зачуди, но сака да биде добра мајка и да ги заштити близнаците Макс и Боб. Нејзина моментална преокупација се децата“, откри извор близок до парот.
Претставникот на Чарли Шин ги негираше гласиштата, наведувајќи дека Анџелина е само сестра на еден од пријателите на Чарли, кој работи во Центарот за рехабилитација, каде што престојува познатиот актер.
