Концерт на триото „Интерарт“

Вечерва во Музејот на град Скопје во 20 часот концерт ќе одржи триото „Интерарт“ во состав: Александар Стефановски и Емилија Ристевска Стефановска - флејта и Татјана Божиновска - пијано. На програмата се дела од Мошеле, Андерсен, Хуго, Амлин.

Триото „Интерарт“ е формирано во 1997 година во Германија, каде што македонските флејтисти Александар Стефановски и Емилија Ристевска-Стефановска заедно со јапонската пијанистка Макико Хирата настапија со рецитал во Алтенбург, а потоа следуваа и два концерта во Македонија. По добивањето на престижната прва награда „Диплома на честа“ на „Торнеро интернационале ди музика“, натпреварот во Париз (Франција) во 2006 година, триото „Интерарт“ доби значајно признание за својата работа во областа на камерната музика. Триото „Интерарт“ има настапувано на повеќе значајни концертни подиуми и фестивали во Македонија, како и надвор од неа, во Франција, Италија, Германија, Грција, Хрватска, Њујорк, каде што и беше промовирано нивното прво ЦД. Во 2008 година триото го сними и промовираше своето второ ЦД со современа музика, додека оваа година го сними и третиот компакт-диск. (Т.И.)