Нови дневни ограничувања на берзата
Македонската берза од денеска воведува нови дневни ограничувања во продажбата на акциите. Така, за сите хартии од вредност и за хартиите од вредност кои се тргуваат во режим на фиксинг и за хартиите од вредност кои се тргуваат во режим на континуирано тргување, од денеска до среда ќе важат дневни ценовни ограничувања (статички лимити) од +/- 10 проценти.
Од четврток, за хартиите од вредност кои се тргуваат во режим на фиксинг се воведуваат ценовни ограничувања од +/- 20 проценти, додека за хартиите од вредност кои се во режим на континуирано тргување остануваат ценовните ограничувања +/- 10 проценти.
Од четврток, исто така, ќе важи и нова мерка за сите хартии од вредност кај кои во пет едноподруги денови на тргување нема остварено тргување, со тоа што на шестиот ден на тргување ќе се тргуваат без ценовни ограничувања.
Македонската берза и натаму бележи мал промет, или вкупно 845 илјади евра. Индексот порасна за 3,3 проценти.
Најтргувани беа акциите на „Макпетрол“, „Алкалоид“ и „Витаминка“ Прилеп. Најголем раст имаа акциите на „Гранит“ и ТТК банка, за повеќе од 7,5 проценти. Со најголем пад беа акциите на „Македонија турист“, ОХИС и „Жито Вардар“ - Велес, сите со пад поголем од 4,9 проценти. (Ј.Ј.) |
