Посебен оддел за земјоделците во Прокредит банка
Во рамките на Секторот за кредитирање, Прокредит банка отвори посебен Агрооддел посветен на финансиските потреби на земјоделците. „Целта е да дадеме поголема поддршка на земјоделското производство и поблиску да ги следиме потребите на земјоделците со комплетна банкарска услуга: трансакциска сметка и дебитна картичка, агроштедна книшка и агрокредити. Ги усовршивме постојните земјоделски кредити и нудиме одлични услови скроени за земјоделците како грејс период, нередовен план на отплата и флексибилност во поглед на гаранцијата за кредитот“, изјави Мирјана Џемова, раководител на Агроодделот. Во новиот оддел
има повеќе кредитни аналитичари, од кои некои се и агрономи. (Ек.Р.) |
