Цариниците на преминот Богородица спречија шверц на 18 тони алуминиумски профили од Унгарија. Како што известија од Царинската управа, изминатиот викенд за влез во земјава се пријавил камион со унгарска регистрација, управуван од унгарски државјанин. Возилото, според приложените документи, било натоварено со алуминиумски профили од 3,8 тони, но при прегледот на товарот биле откриени уште 34 непријавени пакети со вкупна тежина од 18 тони. (Г.А.)
