Марија Шрајвер
Бившата на Шварци загрижена за децата
Сопругата на Арнолд Шварценегер, Марија Шрајвер, е загрижена дека нивните деца ќе ги почувствуваат последиците од разводот, но истовремено се труди и да ги заштити. Марија не сака децата да станат „колатерална штета“ во текот на разводот. Двојката се разведува по 25 години брак, а причината е ј��вното признание на Арнолд дека пред 13 години и' направил дете на домашната помошничка. Иако е решена да го заврши бракот, Марија сака да ги заштити 21-годишната Катерина, 19-годишната Кристина, 17-годишниот Патрик и 13-годишниот Кристофер.
„Марија е многу паметна и му верува на својот адвокат Лори Васер. Таа сака фер спогодба,за децата во иднина да и' бидат обезбедени. Тоа е се' што и' е важно“, изјавил неименуван извор.
Таа и Арнолд разговараат дури и во текот на овој најбурен период, но исклучиво заради децата. Пријателите на парот велат дека Арнолд ќе ги покрие трошоците за разводот.
„Марија познава многу холивудски адвокати што се збогатиле по тешките разводи. Одлучна е да не и' се случи тоа. Таа води сметка за секој долар што го троши. Ќе го праша Арнолд да го плати нејзиниот адвокат, а засега адвокатот на Арнолд, Боб Кауфман, се согласува со тој предлог“, заклучува изворот. |
