Марко Кон на „Охрид фест 2011“
Популарниот композитор и изведувач Марко Кон, кој пред две години ја претставуваше Србија на „Евросонг“ во Москва, ќе настапи во натпреварувачкиот дел на Интернационалната вечер на фестивалот „Охрид фест - охридски трубадури 2011“.
Фестивалот ќе се одржи од 23 до 27 август во Охрид, а ќе започне со детскиот фестивал „Чунга лунга“, по што следува вечерта на нови ѕвезди, фолк и поп-вечерите, и за крај - интернационалната вечер. Од Советот на фестивалот најавуваат уште многу интересни музички изненадувања. |
